തിരുവനന്തപുരം ജില്ലയില്‍ വാമനപുരം കളമച്ചല്‍ ആസ്ഥാനമായി 1956 ല്‍ പ്രവര്‍ത്തനമാരംഭിച്ച് ഇന്ന് പ്രദേശത്തെ സാംസ്കാരിക-വിദ്യാഭ്യാസ മേഖലകളില്‍ നിറഞ്ഞു നില്‍ക്കുന്ന പ്രസ്ഥാനമാണ്‌ നേതാജി സ്മാരക ഗ്രന്ഥശാല & ചാരിറ്റബിള്‍ സൊസൈറ്റി. വൈവിധ്യങ്ങളായ പരിപാടികളും പരിശീലങ്ങളും ബോധവല്‍കരണ ക്ലാസ്സുകളും ചാരിറ്റബിള്‍ പ്രവര്‍ത്തനങ്ങളുമായി പ്രദേശത്തെ ദൈനംദിന ജീവിതത്തില്‍ ഇഴുകിചേര്‍ന്നിരിക്കുകായണിന്നീ സ്ഥാപനം.
കേരള സംസ്ഥാന ലൈബ്രറി കൗണ്‍സിലിനു കീഴിൽ പ്രവർത്തിക്കുന്ന എ പ്ലസ് ഗ്രേഡ് ലൈബ്രറിയായ ഇവിടെ 12000ല്‍ പരം പുസ്തകങ്ങള്‍ക്ക് പുറമേ 7 വര്‍ത്തമാന പത്രങ്ങളും 33 ആനുകാലികങ്ങളും 7 ബാല പ്രസിദ്ധീകരണങ്ങളുമുള്ള റീഡിംഗ് റൂം, താലുക്ക് റഫറന്‍സ് ലൈബ്രറി, സി. ഡി. റഫറന്‍സ് ലൈബ്രറി, കമ്പ്യൂട്ടര്‍ - ഇന്റര്‍നെറ്റ്‌, വൈ-ഫൈ സൗകര്യം, സ്കാനർ, ലേസർ പ്രിൻറർ, ഫോട്ടോ കോപ്പിയർ, സോളാര്‍-എമര്‍ജന്‍സി ലൈറ്റിങ്ങ് സിസ്റ്റം, മള്‍ട്ടിമീഡിയ പ്രൊജക്ടര്‍, പബ്ലിക് അഡ്രസ് സിസ്റ്റം, ജനറേറ്റർ, കോണ്‍ഫറന്‍സ് ഹാള്‍, മിനി ആഡിറ്റോറിയം, വിവിധ ക്ലബ്ബുകള്‍, കുട്ടികളുടെ വായനാമൂല, ഇ-റീഡര്‍, തുടങ്ങിയ സൗകര്യങ്ങള്‍ എല്ലാംതന്നെ ലഭ്യമാണ് .
